كلمات اغنيه انا اللى استاهل كل اللى يجرالى
كلمات يوسف بدروس الحان الموسيقار محمد القصبجى
انا اللي استاهل كل اللي يجرالي
الغالي بعته رخيص ولا احسبوش غالي
***
يا ريت ما جافيته ولا اسأت اليه
ولا بقيت في حال تندم يا قلبي عليه
الفرحه اهي باتت في قلب عزالى
انا اللي استاهل كل اللي يجرالي
الغالي بعته رخيص ولا احسبوش غالي
***
بان له الاسى مني لما الفؤاد حبه
وبعد ما تولّف قلبي على قلبه
وبعدما هنيّت روحي على قربه
بان له الاسى مني وراح مخاصمني
ما كانش ده كُله يخطر على بالي
انا اللي استاهل كل اللي يجرالي
الغالي بعته رخيص ولا احسبوش غالي
***
راح البريء مظلوم والذنب ده ذنبي
فات لك شجون وهموم تشربها يا قلبي
وهموم تطول وتدوم صبّرني ياربي
ابات افكر فيه وفي عذابي اسقيه
وابكي على حاله وأسف على حالي
انا اللي استاهل كل اللي يجرالي
الغالي بعته رخيص ولا احسبوش غالي
***
عدد المساهمات
تاريخ التسجيل
24/2/2013, 16:12
