شخصية اليوم ( الفنان عبد العظيم عبد الحق ) فى ذكرة وفاته 3 أبريل

[ندعوك للتسجيل في المنتدى أو التعريف بنفسك لمعاينة هذه الصورة]

♥°♫•♥ عبد العظيم عبد الحق ♥°♫•

كتير من الناس مايعرفش عن هذا الرجل غير إنه ممثل،وفي ناس تعرفه شكلا بس، مايعرفوش

حتى اسمه إيه، وبيعتبروه فى عداد الكومبارس المتكلم، وده راجع لأن نسبة كبيرة من أدواره

كانت هامشية نوعا ما، لأنه فى أغلب الأحيان بيظهر فى دور الأب أو الجد أو موظف على المعاش،

وده اللى كان بيدى انطباع للمشاهد العادى إنه مجرد كومبارس متكلم.

عبدالعظيم عبدالحق فى الأصل ملحن، ومش مجرد له تجربة لحنية أو اتنين لأ ده له حوالى 500 لحن

مسجلين فى الإذاعة المصرية، ومنها ألحان أصبحت علامات لا يمكن أن يذكر تاريخ الغناء فى

مصر من دون ذكرها،

ومين فينا ماسمعش محمد رشدى فى أغنية "تحت الشجر يا وهيبة"؟، الغنوة دى بالتحديد ليها قصة،

باختصار عبد الرحمن الأبنودى وقتها كان شاعر مغمور، عرض الغنوة على أكتر من ملحن ورفضوها

لأنهم ماستوعبوش كلماتها، لكن لما عرضها على عبدالعظيم عبدالحق اقتنع بيها ولحنها، وده لأنه

صعيدى زى الأبنودى وقدر يفهمه، وكان الأبنودى شايف إن أصلح صوت للغنوة هو صوت محمد رشدى،

بذل الأبنودى مجهود جبار لحد ماقدر ياخد معاد مع رشدى على قهوة التجارة، فى البداية رشدى

مارتاحش للأبنودى نظرا لبساطة ملابسه، كان لابس بدلة متواضعة وطربوش وماسك منشة فى إيده،

كان فى نظر رشدى واحد من عشرات المدعين اللى بيقابلهم، فما كان منه إلا إنه تعامل مع الأبنودى

بتعالى، لكن لما عرف رشدى من الأبنودى إنه جايله من طرف الأستاذ الشجاعى – وكان الشجاعى

معروف بلقب "بعبع الإذاعة"، بدأ رشدى يسمعه باهتمام، وبقدرة قادر بقت أشهر غنوة فى مصر

والعالم العربى وقتها.

سيد مكاوى غنى لأول مرة فى تاريخه الفنى من ألحان غيره، وهي ألحان عبدالعظيم عبدالحق،

وده كان فى غنوة "رسول السلامة"، وكانت من المرات القليلة اللى سيد مكاوى غنى فيها من ألحان غيره.

الراجل ده مش بس أثرى الفن بألحان أغانى من أهم الأغانى المصرية مابين عاطفية ووطنية،

لأ، كان له الفضل فى إنه أول من أدخل المقدمات الموسيقية فى المسلسلات ومنها: "الرحيل"

و"هارب من الأيام" و"الضحية"، ووضع موسيقى تصويرية لبعض الأفلام منها

"تحت سماء المدينة" و"مخلب القط" و"جيش ابرهه"،

وحصل على جايزة من إيطاليا عن موسيقى كتبها لفيلم تسجيلى.

عبدالعظيم عبدالحق فى الأصل ملحن، وله حوالى 500 لحن مسجلين فى الإذاعة المصرية

كان من أسرة عريقة فى الصعيد، كان أخوه عبد الحميد عبد الحق وزير الأوقاف، وأخوه التانى

كان وزير المواصلات، وهو فى سن 11 سنة قابل الشيخ سيد درويش، وغنى قصاده كل اللى

يحفظه من أغانى سيد درويش واللى كان حافظها عن ظهر قلب، أعجب سيد درويش

بأدائه وشجعه على الاستمرار.

كان فى خلاف دائم مع والده فى مسألة تعلقه بالموسيقى والتمثيل، والده كان عايزه يهتم بالدراسة

ويدخل كلية الحقوق، فكان بيعارضه بشدة فى مسألة اشتغاله بالفن، بالفعل درس عبدالعظيم فى كلية

الحقوق ثم بعد تخرجه اتنقل بين أكتر من وظيفة حكومية، شغل عدة مناصب إدارية منها منصب

مدير عام الموسيقى بوزارة الشؤون الاجتماعية.

[ندعوك للتسجيل في المنتدى أو التعريف بنفسك لمعاينة هذه الصورة]

فى بداية مشواره كموسيقار كان بيعمل كهاوى، إلا إنه كان موهوب فى إنه يخرج ألحان شديدة

الشرقية من آلات موسيقية غربية لا تعترف بما يسمى فى الموسيقى الشرقية "ربع تون"،

ومع إلحاح أصدقاؤه فى النصيحة بدراسة الموسيقى دخل بالفعل المعهد العالى للموسيقى المسرحية،

لكن وهو عنده 40 سنة، وده كان سنة 1948، وفى المعهد كان زميل لعبد الحليم حافظ

وكمال الطويل وإسماعيل شبانة، ثم تزوج سنة 1950، واتخرج وهو عنده 44 سنة وحصل على

الدبلوم سنة 1952، ولم ينجب إلى أن توفاه الله 3 إبريل 1993.

كلمتين فى القرآن الكريم كانوا السبب فى إن عبدالعظيم عبدالحق أصبح ملحن "السماوات والأرض"،

والقصة إنه بعد ما خلـّص الكـُـتـّاب أرسله والده لطنطا علشان يتعلم تلاوة القرآن على يد الشيخ الكردانى،

علمه يطلع بصوته فى "السماوات" وينزل بيه فى "الأرض"، من هنا بدأ يستشعر لغة الصوت والأداء

الصوتى وكانت دى النواة اللى زرعت جواه هذا الملحن العبقرى.

كان مؤمن بأن اللحن لابد أن يعبر عن الكلمة، لذلك شعر بالإحباط الشديد مع هبوط مستوى الأغنية فى

أوائل السبعينات، وبعد مارفضت الإذاعة لحن كان عامله لانتصار أكتوبر 73 قرر اعتزال التلحين نهائيا،

ومن وقتها اتفرغ للتمثيل فقط، وختم حياته الفنية بمشهد واحد فى فيلم "الإرهاب والكباب"، وكان مشهد مهم،

قال من خلاله منولوج بيسخر فيه من أوضاع المجتمع، اسمه مشهد الأتوبيس، قال الكلمتين

ونزل من الأتوبيس.. وخلاص، وكأنه كان بيودعنا بالمشهد ده.

[ندعوك للتسجيل في المنتدى أو التعريف بنفسك لمعاينة هذه الصورة]

، عمل فى العديد من الأفلام والمسلسلات ، التلفزيونيه مثل عندما يأتى المساء ، عادات وتقاليد ، الشهد والدموع .

المقدمات الغنائية للمسلسلات

يعود الفضل لعبدالعظيم عبدالحق بأنه اول من ادخل المقدمة الغنائية للمسلسلات ومنها الثلاثية

«الضحية» و»الساقية» و»الرحيل» للكاتب عبدالمنعم الصاوي, ومسلسل هارب من الايام,

وكان له العديد من المساهمات في تلحين المسلسلات الاذاعية, ووضع العديد من الالحان لافلام

سينمائية منها «تحت سماء المدينة» و»مخلب القط».

في السينما شارك في افلام عديدة منها فيلم «الرسالة» للمخرج مصطفى العقاد حيث ادى وببراعة

شخصية النجاشي ملك الحبشة «الاراجوز» مع عمر الشريف و»الدرجة الثالثة» مع سعاد حسني

والفيلم المتميز «المومياء» للمخرج شادي عبدالسلام، والسيد البلطجي للمخرج توفيق صالح والسمان

والخريف لحسام مصطفى وليلة عسل للمخرج محمد عبدالعزيز وتأليف الكاتبة منى الصاوي وكان

آخر فيلم «الارهاب والكباب» للمخرج شريف عرفه، حيث ادى مشهدا لدقائق لكنه كان

من اجمل المشاهد المؤثرة في السينما العربية،

من أهم ألحانه:

أغنية "وحدة مايغلبها غلاب" كلمات بيرم التونسى وغناء محمد قنديل،

كانت عن الوحدة بين مصر وسوريا، مزج فيها بيرم مابين اللهجة المصرية والشامية،

ولعبقرية عبدالعظيم مزج هو كمان فى اللحن مابين الطابع الموسيقي المصرى والشامى.

من ألحانه أيضا: الصيادين لكارم محمود – هدى لمحمد عبد المطلب – مصر العظيمة

وقلبك عجيب لسعاد محمد – هنبنى السد وثورتنا بصوت مجموعة – فجر الإسلام لفايدة كامل

- أوبريت عين الغزلان – أوبريت المسامح كريم – أوبريت الأستاذ رمضان – أوبريت صفحات المجد.

أما عن الجوائز : حصل على الجايزة الأولى من معرض الفنون الجميلة والتطبيقية

عن فن الرسم بالزيت سنة 1932، والميدالية البرونزية 1960، وميدالية العيد الذهبى

للإذاعة 1984، ودرع العيد الفضى للتليفزيون 1985، وده جانب تانى من مواهبه إلى

جانب التلحين و التأليف الموسيقى والتمثيل، ده غير كتابة الزجل وهواية النجارة.

رحم الله الفنان الاصيل الذى توفى فى 3 ابريل سنة 1993 .

من ألحان عبد العظيم عبد الحق

عدد المساهمات : 12 تاريخ التسجيل : 04/04/2014

معلومات كنت اجهلها تماما عن هذا الرجل الفتان عبدالعظيم عبدالحق
شكرا اخت فاتن فؤاد
الف شكر

الف شكر استاذنا المتميزة
فاتن فؤاد
على الموضوع الجميل
والفنان الراحل ( عبد العظيم عبد الحق
شكرا على جهودك الكبيرة
وعلى المعلومات الوفيرة عن هذا الفنان
اسعدلله اوقاتك بكل الخير
ودمتي في رعاية الله

الف شكر لك
**** استاذة فاتن فؤاد ****
على هذه المعلومات القيمة
عن الفنان الكبير عبد العظيم عبد الحق
وعلى جهودك الكبيرة المتواصلة والمتنوعة
وتذكيرنا بشخصيات مهمة لها ابداعاتها الرائعة
ومن الواجب ان نقدرها ولا ننساها
سلمت االايادي
مع فائق الود والثناء
وبالغ التقدير
ودمت ذخرا للمنتدى ولنا جميعا

معلومات قيمه ورائعه اخت فاتن
شكرا لمجهودك نجمه المنتدي
دمتي متألقه مع اطيب تحياتي وتقديري

» شخصية اليوم ( الفنان كمال الشناوى ) فى ذكرة وفاته 22 أغسطس
» شخصية اليوم ( الفنان نجيب الريحانى ) فى ذكرة وفاته 8 يونيو
» شخصية اليوم ( الفنان والمذيع أحمد سالم ) فى ذكرة وفاته 10 سبتمبر
» شخصية اليوم ( الفنان الملحن بليغ حمدى ) فى ذكرة وفاته 12 سبتمبر
» شخصية اليوم ( تشارلز ديكنز ) فى ذكرة وفاته 9 يونيو