Maan Khalife
حكاية اهل القرية مع فريد الأطرش ومريم فخر الدين " فيلم رسالة غرام "
اثناء تصوير بعض مشاهد فيلم " رسالة غرام " عام 1954، والتي تجمع ابطال الفيلم فريد الأطرش ومريم فخر الدين وباقي ابطال العمل
في اول يوم تصوير الفلاحين التفوا عشان يتفرجوا.. فمساعدين المخرج حبوا يمشوهم عشان يعرفوا يصوروا من غير دوشة.. لكن فريد اعترض وقالهم سيبوهم يتفرجوا ويسمعوا.. واتفق معاهم انهم ميعملوش أي دوشة..
بعد شوية اقترب أحد الفلاحين من الفنانة " مريم فخر الدين " وقالها: الحمد لله انى عشت لحد اليوم اللي شفتك فيه يا ست.. ده انا عايش حياتي كلها احلم باني اقابلك.. فمريم قالت له: طب انا مين يا حاج؟ فرد بسرعة وقال: هو يعنى عشان نظري على قدي مش بعرفك يا ست ام كلثوم.. فمريم بصت لفريد وضحكوا.. وخافت تحرج الراجل فسكتت..
تأنى يوم البلد كلها بقت عارفة ان ام كلثوم بتصور عندهم.. فراحوا يتفرجوا.. وفي مقدمة الحضور كان شيخ البلد.. اللي اول ما شاف مريم فخر الدين.. زعق في الفلاحين وقال: يعنى يا بهائم مش عارفين تفرقوا بين الست ام كلثوم والست ليلى مراد..
مع اقرار شيخ البلد... الناس انقسمت فريقين.. فريق يقول ان اللي بتصور في البلد دي تبقى ام كلثوم.. والتاني يقول انها ليلى مراد.. ولما زاد الخلاف راحوا لفريد وسألوه.. يا استاذ فريد دي تبقى الست ام كلثوم ولا الست ليلى مراد؟ فضحك فريد وقال: الحقيقة.. دي تبقى ليلى مراد