ياقلبي يامجروح

ياقلبي يامجروح
أصبر على المقسوم
باب السما مفتوح لدعوة المظلوم
أيام تجري بربيع عمري
وشكوى قلبي إليك ياربي
--‏ ‏-- -- -- -- --
في القلب نار وجراح
صابر عليها ازاي
أبكي على اللي راح
ولا على اللي جاي
كنا الهوى - كنا الأحباب - كنا الحياه
بعت الهنا بخداع كداب
وجريت وراه
ولمين أبكي ولمين أحكي
وشكوى قلبي إليك ياربي
--‏ ‏-- -- -- -- -- --
تعال تعال نحيي أحلامنا
تعال اعطف على جروحي
ده لسة العمر قدامنا
تعال بتناديك روحي
يادنيا بدموع عينية
كتبتي قسمتي فيكي
يادنيا بدم قلبي الجريح
الحنة في إيديكي
يادنيا إيه لسة عندك كمان
هاتي اللي يرضيكي
تعال ياحياة قلبي
نجدد حبنا الغالي
لا كان ذنبك ولا ذنبي
جرالك زي ماجرالي
وجراح طالت ودموع سالت
وشكوى قلبي إليك ياربي

شكرا على الكلمات الرقيقة اخى الاستاذ /ابو امجد

أشكرك من أعماق قلبي أخي
الأستاذ الوتر الحزين على ردك
الطيب

تسلم أخى القدير ابو امجد
ونتمنى وجودك معنا مجددا
اطيب تحياتى

ياقلبي يامجروح من عيون الاغاني العاطفية العربية لايوجد عاشق في ذلك الفترة الا رددها غناها الموسيقار المبدع في فيلم رسالة غرام اشكرك ابو امجد على المجهود