جميل جمال ... مالوش مثال
ولا في الخيال ... صدق اللي قال
زي الغزال ... جميــل جمـال
*************
ليه الدنيا جميلة وحلوة ... وانت معايا
ليه بتخلي القلب ف نشوة ... وأنسـى أسـايا
تسألني ليه.. معرفش ...والسرِّ إيه.. مفهمش
عطف وحنان، من الزمان، والا عشان
جميل جمال.. زي الغزال
*************
ليه لمَّا بشوفك بعْينَيَّ ... روحي تغنِّ
وتْغنـي الأحلام حواليِّ ... وتطمنِّي
نظرةْ عينيك تسحرني...والشـوق إليك حيَّرني
عطف وحنان.. من الزمان والا عشان
جميل جمال.. زي الغزال
ليه كل الأزهار بتحبك ... والطيـر والناس
علشان الرقة اللي فقلبك ... والاَّ الإحسـاس
ولاَّ القوام.. والخفَّة ... والإبتسام ع الشفَّة
عطف وحنان.. من الزمان والا عشان
جميل جمال.. زي الغزال
*************
عدد المساهمات
تاريخ التسجيل
28/6/2011, 21:34
