بسم الله الرحمن الرحيم
من كام يوم حصل نقاش فني بيني وبين عضوة هنا عن سامية جمال الله يرحمها بسبب مقالة في وقتهم
وفريد وسامية بيردحوا لبعض في الجرائد !؟،؟!
وفريد بيقول فيما معناه انه اتقي شر من أحسنت اليه لانه هو شايف ان له يد في نجاح ساميه وشهرتها !؟؟
وهي بتقول انها مشهورة من قبل ماتشتغل معاه !؟؟؟!
انا راي الشخصي انه انتشار سامية وبداية ظهورها الحقيقي كان مع فريد وده حاجة ظاهرة للجميع !؟؟
بعد فريد انتصب عليها نصابة كبيرة من جوزها الأمريكي الي اخدها امريكا وسرق فلوسها بعد ما خلاها ترقص في كل الولايات
لحد مادوخها وبهدلها ،،،وبعد ماتنصب عليها جامد في امريكا حتى إيرادات الفيلم الي عملته هناك ماطالتش منه حاجة ورجعت مصر
بخفي حنين وفعلا بشهادة السيدة صباح رجعت سامية لفريد تستنجد فيه يرجعها تشتغل معاه عشان تعوض خسارتها في امريكا
والكلام على ذمة الراوي !؟؟
لو ألاقي المجلة الي اتكلمت صباح فيها عن سامية مش لاقيها !؟؟
التصريح ده قالته صباح سنة ١٩٦٠ في مجلة الموعد او الشبكة لو مش غلطانة وكانت عندنا في البيت أدور عليها واصور الكلام ده
وطبعا كلنا عارفين الردح الصحفي بين الفنانين زمان والصحافة تولع عشان الناس تشتري مجلاتهم!؟؟!
وفيلم ازاي أنساك فريد بيحكي فيه حكايته مع سامية فعلا بس بتفاصيل مختلفه شوية عشان مايبانش ان القصه لفريد
انا بحب فريد جدا بس ده مايمنعش ان انتقد فريد !؟؟
سامية كانت فاهمه انها حتتجوز فريد وهو ماكنش واضح معاها وضيع وقتها وعمرها وهي اتجرحت جامد منه !؟؟
عشان كده اتجوزت رشدي اباظة في محاولة انها تغيظ فريد لانها حتتجوز ابن ناس واحلى كمان من فريد
وهي بصراحة ضيعت وقت كبير في جوازها من راجل سئ السمعه زي رشدي بصراحة انا شايفه سامية اتظلمت كتييييير
من الاتنين سواء من فريد او رشدي
الاول كسر قلبها والتأني جابلها المرض وكرهها في عيشتها هو وأهله
النقاش في المواضيع دي يطول استكمل حديثي بعدين
الله يرحمهم